La Yave de el Sekreto es el Blog literario de el Poeta Odmar Braga,para azer la publikasion i la difuzyon de sus poezias en djudeo espanyol. Ansi komo tambien, para puvlikar las poezias de otros bardos kuyas bozes,venas i la sangre poétika, tengan siempre por konsekuensa ultima uno a otro,koronar la bushka de el arebivimiento de la lingua i de la literatura djudeo espanyola,i ke reflekta en la maraviya de esas dulses poezyias,ese trezoro ke es el espasio líriko poetiko de el alma Sephardit.
jueves, 22 de septiembre de 2016
Al sur de las estreyas
Al sur de las estreyas
Del arrojado grito del Syelo
Lunares eskuros
Konstelasyones murientes
Soles amatados
Detrás las palavras
De la yenada plenitud
De los arroyos disonantes
El baylar dezesperado
Del espejo del olvido.
Odmar Braga .·.
Almada mádjica
Traigo kantes olvidados
Kantes de amor i del sufrir
De syerto kansionero ladino
Kon las yaves del bivir.
Traigo esfuenyos i rekodros
Del sonreir i del yorar
ke en una almada de poezias
Izeron bolo maz ayá de la mar.
Ande el lamiento del tienpo
Mira la sonriza del viento
A fechizar al lunar.
Ande el baylar de las onduras
Embrenea los kantes de amor
De la sirena de la mar.
Odmar Braga .·.
Suscribirse a:
Entradas
(
Atom
)