Dolor, tú m’aferras,
Mi pecho kavakas,
Mi kuerpo burakas.
No puedo fuyir.
Yo tremblo de frío,
El reflo me manka,
En la noche blanka
Me korren detrás.
Yo oygo los gritos,
Yo veo los yoros,
De almas los koros.
Me siento yo ayí.
Saver porké una
D’ermanos miliones,
Saver las razones
K’en vida kedí!
De siempre yo bivo
Kon esta demanda
K’en dinguna vanda
Repuesta topó.
Dolor, tú sinyates
De kulpa mi suerte.
Pue’ser k’en la muerte
Pagar vo dever?
Matilda Koén - Sarano
No hay comentarios :
Publicar un comentario