Avner Pérez
TIKUN
Tu i yo
Vamos azer esta noche
Un tikun grande
En los mundos de ariva.
Tu, kon la mirada klara
De tus pretos ojos,
Sakaras
Senteyas puras
Prendidas entre las kelipot;
Entonses –
Kuando nuestros lavios
Se aunaran en bezo-
Eyas asuviran ariva,
I los rotos atuendos
Seran adovados
Tikun: Enmienda, remedio, adobo
Kelipot: Cáscaras
No hay comentarios :
Publicar un comentario