lunes, 21 de julio de 2014

Oda a la Pas




                               
א

desde la sangre de mis venas
te arregalo  una roza  kolorada
de palpitante  korason i fuego
de kandela  a yorar lagrimas
tristes de yamas tremblorozas 
ke okultan los amargos ríos  
i dolores de los dezesperados
ke desde mis manos eskurren
sekretos apasivles ke susurran
estes torsyos i adoloridos verses



ב

deshojar una brumoza poezia
empapada de el sudor i sangre
desde el mas desdichado yoro
de las desmazaladas madres por
los desmodrados frutos de la gerra
en el korason de la desgrasiada
bovedad devoradora de esfuenyos
i ensupito  deskorajar  la  lokura
i brindar la boz de brodar la pas
kante de sisne en mundo de agonia

ג

la luz de la luna afogando djemidos
el silensio de el alma de las palabras
desvestindo kolores de fyerro i plomo
entre petalos de solombras i dolores
supoza yantos de la sangre al ayre
i desde leshos entre amores ikognitos
desde el alma de amerika de el Sud
las oras tristes transkurrindo destrosos
kon las sufridas lagrimas de los rekodros
Yo eskrivo una oda dedikada a la Pas .

                         Odmar  Braga .·.

3 comentarios :

Cecilia dijo...

Ermoza i ezmoviente poezia. Saludo de Cecilia.

Andre Moshe Prera dijo...

Belo Poema! Formoso e comovente. Saudacao desde Braga. Andre Moshe

Anónimo dijo...

Vonito, i maraviyoso trezoro de la lingua Djudia i espanyola para azer arebivir por konsekuenza istorias Sefaradies.